Movimentu europeu pro s’amparu de sas regiones natzionales

Dettagli

Sas informatziones netzessàrias pro registrare s’Initziativa de sos Tzitadinos propònnida

  1. Su tìtulu de s’Initziativa de sos Tzitadinos propònnida:
    Polìtica de coesione pro s’egualidade de sas regiones e sa sustenibilidade de sas culturas regionales.
  2. S’argumentu:
    Sa polìtica de coesione de s’UE diat dèpere dare cara a sas regiones cun caraterìsticas natzionales, ètnicas, culturales, religiosas o linguìsticas chi sunt diferentes dae sas de sas regiones a fùrriu.
  3. Sa descritzione de sas punnas de s’initziativa de sos tzitadinos propònnida pro sas cales si invitat sa Cummissione a agire:
    Pro custas regiones, chi incluint àreas geogràficas chene cumpetèntzias amministrativas, sa preventzione de su ritardu econòmicu, su sustenimentu de s’isvilupu e su bardiamentu de sas cunditziones pro sa coesione econòmica, sotziale e territoriale diant dèpere èssere fatos in una manera chi asseguret chi sas caraterìsticas issoro abarrent sas matessi. Pro custa resone custas regiones depent tènnere sas matessi oportunidades de atzèdere a fundos vàrios de s’UE, e bisòngiat a garantire su bardiamentu de sas caraterìsticas e de s’isvilupu econòmicu curretu issoro, in manera chi si potzat sustènnere s’isvilupu de s’UE e mantènnere sa diversidade culturale sua.
  4. Sas dispositziones de sos Tratados chi sos organizadores cunsìderant rilevantes pro s’atzione proposta:
    Artìculu 2 e 3 de su Tratadu in subra de s’Unione Europea.
    Artìculos 153, 167, 170, 174, 176, 177 e 178 de su Tratadu in subra de su Funtzionamentu de s’Unione Europea.